Sommaren er på hell, og det er på tide å forberede seg til høstens motbakkeløp.
Den aller viktigaste faktoren i eit motbakkeløp, er utøvaren si fysiske form. Det handlar om å springe så fort som mulig oppover til toppen av løypa, og då lønnar det seg å vere i god form. I tillegg er det enkelte praktiske og taktiske ting som kan vere lurt å ha tenkt gjennom på forhånd.
Trening i konkurranselikt terreng
Kvar treningsøkt som blir gjennomført i forkant av konkurransen, vil bidra til at opplevelsen på konkurransedagen kjennest bedre. Kom dermed i gong med faste treningsrutiner. Avtal gjerne å trene saman med nokon, så skal det meir til å ”sluntre unna”. Tren på å springe, og legg enkelte av øktene til motbakke. Varier mellom økter med høg og låg intensitet. Det kan vere lurt å finne løypekartet til løpet du skal delta i, og legge enkelt økter til terreng og stigningsprosent som liknar på det du skal konkurrere i, slik at du er best mulig forberedt på det som møter deg.
Sko, sekk, mat og drikke
I mange motbakkeløp er terrenget best egna for sko med grep i solen. Finn ut kva sko som passar best til løpet du skal delta i. Gå til anskaffelse av desse så tidlig som mulig, slik at du kan trene litt i skoa i forkant. I nokre lange motbakkeløp er det også påbudt med sekk som inneheld ei bestemt vekt. I såfall er dette lurt å trene på å springe med. Øv også på å ete den maten du planlegg å ete før konkurransen, slik at du kan finne ut kva magen din toler å springe med, og som gjer deg god energi. Er det eit langt løp, slik at det er nødvendig å innta drikke, gel eller mat undervegs? I såfall må dette også øvast på i trening. Det er aldri lurt å prøve noko heilt nytt på konkurransedagen.
Løpsdagen
Planlagt alt som skal skje på løpsdagen på førehand, frå du står opp til etter målgong. Kva og når du skal ete frukost? Pass på at du har dette tilgjengelig, spesielt om du er vekkreist. Tenk gjennom transport til løpet, og kva du skal ha i sekken. Ein må ha tørre kle og mat tilgjengelig etter målgong, slik at ein ikkje blir sjuk. Korleis skal du varme opp, og når skal du starte oppvarminga? Legg også inn tid til henting av startnummer, om dette ikkje er gjort på forhånd. Ofte er ein ikkje den einaste som må på toalettet like før start, og det er greit å vere tidlig ute for å unngå å komme i lang ventekø. Ellers er det berre å forberede seg på at det alltid blir litt tungt og vondt undervegs, men ingenting slår følelsen av å passere målstreken og kunne sei til seg sjølv: ”Eg klarte det!”
Lykke til :)
Eli Anne er ei jordnær jente fra de grønne fjellsidene i Jølster som satser for å bli verdens beste motbakkeløper. Fremover skal hun gi tips og råd om trening til alle våre BakeKompiser. Lurer du på noe? Følg henne på instagram; @eliannedvergsdal, facebook; ”Eli Anne Dvergsdal – idrettsutøver”, eller på bloggen hennes, http://motbakkeeli.playblogg.no